Tacxeber.comxəbər verir ki, bu dəfə televiziyadan ayrılmağa qərar verən şəxs tanınmış aparıcı Turan İbrahimovdur.
“Space TV- dən gedirəm. İki həftə əvvəl verdiyimiz qərardır. Kanal yeni yayım formatına keçir, əsasən yumora üstünlük veriləcək və xəbər tərkibli verlişlərə ehtiyac qalmır. Mən isə tərkibi informasiya, xəbər olmayan verilişlə efirdə olmaq istəmirəm. Başda dostumuz Vado Korovin olmaqla yeni komandaya uğurlar arzulayıram”,-deyə o bildirib.
Qeyd edək ki, televiziyada format dəyişikliyi olacağı ilə bağlı hələlik rəsmi açıqlama verilməyib.
Xatırladaq ki, fevralın 7-də Space Müstəqil Teleradio Şirkətinin direktoru Müşfiq Hətəmov vəzifəsindən uzaqlaşdırılıb və onun yerinə “Parni iz Baku” KVN komandasının aktyoru Vado Karovin təyin olunub.
V.Karovin vəzifəyə başladıqdan sonra “Hər Gün” xəbərlər xidmətinin müdiri Elman Gədiklini vəzifəsindən azad edərək onun yerinə tanınmış xəbər aparıcısı Elman Bakuvini təyin edib.
Bundan əlavə, televiziyadan ayrılanlar arasında tanınmış jurnalist ve televiziya aparıcısı Kamil Eldaroğlu (Balakişiyev) və TV-nin bədii rəhbəri, rejissor İman Məcidov da var.
