“Vaqner” muzdlu qrupunun rəhbəri Yevgeni Priqojinin son addımı müzakirələrə səbəb olub.
Tacxeber.com bildirir ki, “Financial Times” tərəfindən sızdırılmış e-poçtlar Priqojinin yaşlı anasının adından istifadə etdiyini ortaya çıxarıb. Belə ki, o, anasının adına olan kommunal ödənişlər təqdim edərək Böyük Britaniyada çirkli pulların yuyulmasına qarşı yoxlamalardan keçə bilib.
“2021-ci ildə “Discreet Law” hüquq firması bütün dünyada sanksiyalara məruz qalan və insan hüquqlarının pozulmasında ittiham olunan Priqojindən müştəri kimi qəbul edilməzdən əvvəl şəxsiyyətini təsdiq edən sənədlər tələb edib. Priqojinin rus vəkilləri isə pulların yuyulmasına qarşı yoxlamaların bir hissəsi olaraq, onun pasportunun surətini və 81 yaşlı anası Violettanın adına olan qaz hesabını hüquq firmasının Sankt-Peterburqdakı ünvanına göndəriblər”.
“Discreet Law”un təsisçisi Roqer Qerson isə bununla bağlı danışarkən şirkətin keçmiş müştəriləri ilə məxfi əlaqəni şərh edə bilməyəcəyini söyləyib.