Serbiya prezidenti Vuçiç medianın ona “cadugərlik etdiyindən” və anasının fahişə olduğu barədə yalan danışdığından şikayətlənib. Serbiya prezidentinin sözlərinə görə, nüfuzlu media orqanlarından ona qarşı yalanlar sel kimi yayılır. İddialara görə, onlar Vuçiçə qarşı yalan və təbliğat aparmaq üçün külli miqdarda pul xərcləyirlər.
“Mənə qarşı sözün əsl mənasında “cadugərlik etdiklərini” başa düşə bilirsinizmi? Atamın əslində, mənim atam olmadığını iddia edənlər, anamın fahişə olduğunu və guya bir albanla atama xəyanət etdiyini, buna görə də guya, mənim albanpərəst olduğumu söyləyirlər. Və vurğulayıram ki, bu, sosial mediada deyil, əsas mediada deyilib” – deyə, Serbiya prezidenti qəzəblə bəyan edir.