İran prezidenti Məsud Pezeşkyan ABŞ prezidenti Donald Trampın İranı “Daş dövrünə” qaytarmaqla bağlı hədələrinin genişmiqyaslı müharibə cinayəti hesab edilə biləcəyini soruşub. Pezeşkyan bu barədə sosial mediada yazıb.
İran prezidenti yazıb: “Bütün bir milləti Daş dövrünə qaytarmaq təhlükəsi kütləvi müharibə cinayətindən başqa bir şey ifadə edirmi? Bu sualı mən finlandiyalı həmkarıma, hüquqşünasa verdim. Tarix cinayətkarların qarşısında susmaq üçün yüksək qiymət ödəyənlərin nümunələri ilə doludur”.
Xatırladaq ki, Tramp əvvəllər ABŞ-ın növbəti 2-3 həftə ərzində İrana zərbələrin intensivliyini əhəmiyyətli dərəcədə artırmağı planlaşdırdığınıbildirərək , İranı “Daş dövrünə” qaytarmaqla hədələmişdi.