İran rejiminə qarşı nəsə yazanda o dəqiqə bəziləri başlayır ki, bəs, İsrailə qarşı niyə heç nə demirsiz?
Mən dəfələrlə burdan daha geniş auditoriyası olan TV kanallarında İsrailin Qəzzadakı əməliyyatlarını qətiyyətlə qınayaraq bunu kütləvi qətl və insanlığa qarşı cinayət aslandırmışam. Mən fələstinliləri haqlı və məzlum sayıram və müstəqil Fələstin ideyasını qətiyyətlə dəstəkləyirəm. Başqa neyləyim, gedim HAMAS terrorçularına qoşulum?
Digər tərəfdən, mənim ABŞ prezidenti haqqında çox sərt, hətta bəzən həqarətamiz fikirlərim də səhifəmdə var. (Təkcə Tramp yox, həm də Bayden haqqında). Yəni ABŞ nə edirsə, kor-koranə dəstəkləyən biri deyiləm.
Bizim cəmiyyətin bədbəxtliyi bilirsiz həm də nədir? Çoxluq inanır ki, burada vicdanlı, təmənnasız və müstəqil mövqeli insan ola bilməz. Yəni mən İran rejiminə, Rusiya rejiminə qarşı çıxıramsa, deməli, Amerikadan pul alıb belə edirəm. Yalançının atasına lənət…