Ukrayna Təhlükəsizlik Xidməti (SBU) Ukraynadan 1000 km-dən çox məsafədə yerləşən Tatarıstanda (Rusiya) “Şahedlər”in olduğu anbara uzaq mənzilli pilotsuz uçuş aparatları ilə zərbə endirib.
Bu barədə RBC-Ukrayna öz mənbələrinə istinadən xəbər verir.
“Bu gün səhər saatlarında Ukrayna Təhlükəsizlik Xidmətinin “A” Xüsusi Əməliyyat Mərkəzinin uzaqmənzilli dronları Tatarıstan Respublikasının Qızıl-Yul şəhərindəki logistika qovşağına düşüb. Anbarda istifadəyə hazır “Şahed” hücum dronları və onların istehsalı üçün xarici komponentlər var idi”, – mənbə vurğulayıb.