Çinin “CRRC Changke” şirkəti hidrogen yanacağı ilə işləyən qatarı sınaqdan keçirib.
Bu barədə “Sinxua” agentliyi məlumat yayıb.
Məlumata görə, qatar Çançunda (Tszilin əyaləti, Şimal-Şərqi Çin) xüsusi xətt üzrə sınaqdan keçirilib.
Qatar 160 km/saat sürətlə uğurla hərəkət edib və bu, dəmir yolu nəqliyyatı sahəsində hidrogen enerjisinin tətbiqində yeni sıçrayış kimi qiymətləndirilib.
Sənaye ekspertləri bildiriblər ki, sınaq Çinin dəmir yolu nəqliyyatı sənayesində hidrogen enerjisi texnologiyasının tədqiqi, inkişafı və tətbiqində mühüm mərhələdir.
