Ermənistanın Baş naziri Nikol Paşinyan bu gün 44 günlük müharibənin şəraitini öyrənən istintaq komissiyasının iclasında həyat yoldaşının müharibə zamanı komandanlıq qərargahında hansı məqsədlə olduğunu izah edib.
Tacxeber.comxəbər verir ki, istintaq zamanı Baş nazirdən həyat yoldaşı Anna Akopyanın həmin dövrdə qanunsuz olaraq bunkerdə olmasının və həmin hissədən foto paylaşmasının səbəbi soruşulub.
N.Paşinyan suala belə cavab verib:
“Müharibə başlayanda arvadım mənə dedi ki, orda müharibə olanda mən İrəvanda boş qala bilmərəm, gedim ora, bəlkə orada adamlar olar, kömək edə bilərik. Həmin günlərdə Xankəndini çoxlu sayda insan, qadınlar tərk etmişdi. Orada yemək problemi var idi və s. Akopyanın bunkerdə olmasının, ora getməsinin məqsədi bu idi”.
Paşinyan eyni zamanda bildirib ki, müharibə dövründə oğlunun hansı hissədə döyüşdüyünü də öyrənməyə maraqlı olmayıb. O deyib ki, oğlu ilə yalnız müharibə bitdikdən sonra görüşüb və harada xidmət keçdiyini bilib.
