Yuxu zamanı ağlayan uşağın əlində planşet və ya telefon varmış kimi davrandığını göstərən video sosial şəbəkələrdə gündəm olub.

Tacxeber.com “Haberler.com”a istinadla xəbər verir ki, görüntüləri görən valideynlər təşvişə düşüblər.

Texnologiyanın həyatımıza təsiri günü-gündən artır. Lakin onun nəzarətsiz istifadəsi uşaqlara mənfi təsir göstərə bilər.

Çində çəkildiyi iddia edilən kadrlarda uşağın yatarkən planşet tutaraq ekranı sürüşdürməsi valideynlərin narahatlığına səbəb olub.

Texnologiya böyüklər üçün böyük problem yaratmasa da, uşaqlara çox təsir edir. Rəqəmsal dünya ilə erkən yaşda tanış olan uşaqlar texnologiyaya çox tez uyğunlaşırlar. Ancaq idarə olunmayan uşaqlarda bu vəziyyət travmatik ola bilər.