KXDR-in keçmiş xarici işlər naziri Li Yonq Ho və bir neçə diplomat 2022-ci ilin yayında və payızında edam edilib.
“Report” xəbər verir ki, bu barədə Yaponiyanın “Yomiuri” qəzeti məlumat yayıb.
Mənbənin məlumatına görə, Li Yonq Ho 2016-2020-ci illərdə Böyük Britaniyada səfir kimi çalışıb. Edamın səbəbi də onun fəaliyyətindəki uğursuzluqlar göstərilir.
Li Yonq-ho Şimali Koreyanın nüvə proqramı ilə bağlı altıtərəfli danışıqlarda ölkəsini təmsil edib.
Onunla yanaşı, KXDR Dövlət Şurasının ABŞ üzrə xüsusi nümayəndəsi Kim Hyuk Çol və Xarici İşlər Nazirliyinin daha dörd əməkdaşı da edam cəzasına məhkum olunub. Cəzaya səbəb onların ikinci ABŞ-KXDR sammitində Amerika lideri ilə razılığa gələ bilməmələri olub.
