Xəqani Əliyev deyir, hərbi xidmətdə aldığı xəsarətlərə görə uzun müddət pensiya alıb. Lakin indi ala bilmir, qalıb qurumların qapılarında.
Xəqani Əliyev pensiyasının kəsildiyinə görə, sosial durumunun ağırlaşdığını deyir. Şikayətçi ondan əlillik dərəcəsinin bərpası üçün rüşvət istənildiyini bildirib.
Əmək və Əhalinin Sosial Müdafiəsi Nazirliyindən Toplum TV-nin sorğusuna cavab olaraq bildirilib ki, vətəndaşın hazırki sağlamlıq vəziyyəti əlillik təyinatına əsas vermir. Bu baxımdan da vətəndaşa imtina qərarı verilib.
