Hər il yenilənən və 199 ölkənin pasportunu qiymətləndirən “Nomad Passport Index 2025” reytinqi açıqlanıb.
Valyuta.az xəbər verir ki, bu indeks pasportları beş əsas meyar üzrə qiymətləndirir: səyahət azadlığı, vergi siyasəti, qlobal qəbul,ikili vətəndaşlıq imkanı, şəxsi azadlıqlar.
2025-ci ildə İrlandiya 109.00 bal toplayaraq reytinqin lideri olub. Onu İsveçrə (108.50), Yunananıstan ( 108.50), Portuqaliya (108.00) və Malta (107.50) izləyir. Ölkələr yüksək beynəlxalq nüfuzları, əlverişli biznes və vergi siyasətləri sayəsində ön sıralarda qərarlaşıb.
2023-cü ildə lider olan Birləşmiş Ərəb Əmirlikləri (BƏƏ) yeni vergi siyasətləri səbəbindən 10-cu yerə (106.50 bal) düşüb.
İlk 10-luq belədir:
1.İrlandiya – 109.00
2.İsveçrə – 108.50
3.Yunanaıstan – 108.50
4.Portuqaliya – 108.00
5.Malta – 107.50
6.İtaliya – 107.50
7.. Lüksemburq – 107.00
8.Finlandiya – 107.00
9.Norveç – 107.00
10. Birləşmiş Ərəb Əmirlikləri – 106.50
Azərbaycan bu reytinqdə 125-ci yerdə qərarlaşıb. Bu, ölkənin səyahət azadlığı, qlobal qəbul və vergi siyasətində müəyyən məhdudiyyətlər yaşadığını göstərir. Azərbaycan Lesoto, Filippin və Belarus ilə eyni mövqeni bölüşür.