Dövlət Sosial Müdafiə Fondunun (DSMF) 3 saylı Şəki-Zaqatala Regional Filialının direktoru Turan Əsədovun Qaxda piyadanı vuraraq ölümünə səbəb olması ilə bağlı DSMF məlumat yayıb.
Tacxeber.comxəbər verir ki, məlumata görə, hadisə Turan Əsədov iftardan qayıdarkən baş verib:
“Turan Əsədov xidməti avtomobili ilə Şəki rayonundan iftardan qayıdarkən Qax rayonunun Güllük kəndindən keçən avtomobil yolunun qaranlıq hissəsində dayanan Natiq Həsənovu vuraraq qəza törədib.
Hadisədən dərhal sonra Turan Əsədov onu avtomobilinə qoyaraq Zaqatala Rayon Diaqnostika Mərkəzinə çatdırıb. Lakin həkimlərin bütün səylərinə baxmayaraq, həmin şəxs vəfat edib.
Mərhuma Allahdan rəhmət diləyir, ailəsinə başsağlığı veririk.