Uşaq dünyaya gətirən 13 yaşlı qızın anası ondan və nəvəsindən imtina etdi – YENİLƏNİB
Azərbaycanda 13 yaşlı qızın ana olması ilə bağlı bəzi məqamlar məlum olub.
Hadisə Sabunçu rayonunda baş verib.
Qızın atası rəhmətə gedib və anası ilə yaşayıb.
“Azərbaycan Uşaqlar Birliyi”nin sədri Kəmalə Ağazadə mediaya bildirib ki, qızın anası nəvəsindən və öz qızından imtina edib.
Ailə, Qadın və Uşaq Problemləri üzrə Dövlət Komitəsinin mətbuat katibi Teymur Mərdanoğlu mediaya bildirib ki, 13 yaşlı qızın ana olması ilə bağlı məlumat aidiyyəti qurumlarla birlikdə araşdırılır.
***
Azərbaycanda 13 yaşlı qız ana olub.
Tacxeber.az-ın məlumatına görə, bu barədə Azərbaycan Uşaqlar Birliyinin sədri Kəmalə Ağazadə məlumat yayıb.
Onun sözlərinə görə, uşaq dünən ev şəraitində dünyaya gəlib və xəstəxanaya yerləşdirilib.
Ağazadə bildirib ki, doğulan uşaq sağdır. Azərbaycan Uşaqlar Birliyinin sədri uşağın təcavüz nəticəsində doğulduğunu bildirib.
