Netanyahu milli təhlükəsizlik sahəsində uğursuzluqlar səbəbindən emosional olaraq məhv edilib və indi Qəzza zolağı ilə bağlı vəziyyətdə yanılır.
Bunu İsrailin keçmiş baş naziri Ehud Olmert deyib.
“Hazırkı baş nazir əsəb pozğunluğu yaşayır və o, milli təhlükəsizliyi HƏMAS hücumlarından qoruya bilməməsi səbəbindən istefasından yayınmağa çalışır. Netanyahu emosional olaraq məhv edilib, bu, dəqiqdir. O, bütün həyatı boyu sanki “Cənab təhlükəsizlik” kimi çalışıb. Baş nazir olaraq qaldığı hər dəqiqə İsrail üçün təhlükə yaradır. Əminəm ki, amerikalılar onun pis vəziyyətdə olduğunu başa düşürlər”, – Olmert bildirib.
Keçmiş baş nazir İsrailin Qəzza zolağına nəzarəti ələ keçirməsinin səhv olacağını deyib:
“Qəzzanın təhlükəsizliyinə nəzarət etmək İsrailin maraqlarına uyğun deyil. Oktyabrın 7-də baş vermiş terror aktından əvvəl özümüzü fərqli şəkildə müdafiə edə bilmək bizim maraqlarımıza uyğundur”. (Axar)
