“Qarabağ”ın baş məşqçisi Qurban Qurbanov “Yurqorden”də çıxış edən oğlu Musa Qurbanlının İsveç çempionatının 21-ci turunda “Deqefors”la matçda iki qol vurub, bir qol ötürməsi verməsinə münasibət bildirib.
Tacxeber.com xəbər verir ki, o, Misli Premyer Liqasının 4-cü turunda “Kəpəz”lə oyundan (1:1) sonra keçirilən mətbuat konfransında bununla bağlı deyib:
“Xəbərim var idi ki, oyunu var. Etdikləri sevindirici haldır, buna ancaq sevinirəm. Düzü, oyuna baxmamışam. Çalışacam ki, sabah izləyim. Təkcə oğlumdur deyə yox, azərbaycanlı kimi uğur əldə edəcəksə, buna çox sevinəcəm”.
