İsveçin Stokholm şəhərində “Tövrat və İncilin yandırılması aksiyası”nın təşkilatçısı Əhməd Alluş jurnalistlərə müraciət edib.
Tacxeber.com xəbər verir ki, o, müsəlman olduğunu və heç nə yandırmayacağını bildirib.
“Dinindən asılı olmayaraq hər kəsə hörmət etməliyik. Söz azadlığı ilə nifrət cinayətləri arasında incə bir xətt var. Quranı tənqid edə bilərəm, amma onu yandırmaq söz azadlığı deyil. Başqa dinlərə hörmət etməmək yaxşı şey deyil”, – təşkilatçı söyləyib.
Onun sözlərinə görə, aksiyanın yeganə məqsədi Quranın yandırılmasına etiraz etməkdir.
