TF1-in Klermon-Ferrand prokurorluğuna istinadən verdiyi məlumata görə, 1958-ci ildə nəşr olunduğu zaman 2 milyon frank dəyərində olan və dünyanın ən bahalı kitabı adlandırılan Jozef Forenin “Apokalipsis” əsəri Fransada oğurlanıb.
210 kiloqramlıq kitab oktyabrın 4-dən 5-nə keçən gecə Puy-de-Dome şəhərindəki İssuardakı Müasir İncəsənət Mərkəzindən oğurlanıb. Prokurorluq istintaqa başlayıb və işi Klermon-Ferrand jandarma bölməsinə həvalə edib.
“Apokalipsis” Vəhy kitabına əsaslanır. Salvador Dali, Jan Kokto, Jan Cunod və Emil Çoran da daxil olmaqla, XX əsrin on dörd rəssamı və yazıçısı əsər üzərində əməkdaşlıq edib.
Kitabın təxminən 150 kq ağırlığında bürünc üz qabığı var, qiymətli daşlarla bəzədilib və Dali tərəfindən dizayn edilib. Açıldıqda uzunluğu 150 metrdir və müəlliflərin əl ilə yazdığı 150 böyük perqamentdən ibarətdir. Dizaynda həmçinin təxminən 95.000 kalliqrafik hərf var.