Rusiyalı jurnalist Mariya Ponomarenko 6 il müddətinə azadlıqdan məhrum edilib.
Tacxeber.com xəbər verir ki, bu barədə məhkəmənin mətbuat xidməti məlumat yayıb.
Məlumata görə, o , silahlı qüvvələr haqqında “saxta” işdə təqsirli bilinib. Ponomarenko Rusiya Federasiyası Cinayət Məcəlləsinin 207.3-cü maddəsi (Rusiya Federasiyası Silahlı Qüvvələrinin və Rusiya Federasiyasının dövlət orqanlarının öz səlahiyyətlərini həyata keçirməsi haqqında qəsdən yalan məlumatın açıq şəkildə yayılması) ilə ittiham olunub. Jurnalist özünü təqsirli bilməyib.
2022-ci ilin martında Ponomarenko özünün Telegram kanalında Rusiya hərbçilərinin Mariupol Dram Teatrına hava hücumu təşkil etdiyi barədə xəbər yayımlayıb. Rusiya Müdafiə Nazirliyi bildirib ki, hərbçilər teatra zərbə endirməyib və teatrı hədəf hesab etmir, çünki orada mülki şəxslər girov saxlanıla bilər. Departament partlayışda Ukrayna hərbçilərini günahlandırıb.
.jpg?v1676470523)
