Tibb tarixində jenşen qədər əfsanəvi ikinci bir bitki olmayıb. İnsanlar onun nəinki bütün xəstəliklərin çarəsi olduğuna, həmçinin ölən adama həyat qaytardığına inanırdılar.
Hal-hazırda da jenşen bir çox dərman preparatların tərkibinə daxil edilir. Müalicə zamanı əsasən jenşenin kökündən istifadə olunur.
– Jenşen ümmuniteti möhkəmləndirir, orqanizmin müxtəlif infeksiyalara qarşı davamlılığını artırır, sağalmanı tezləşdirir.
– İnsanın mərkəzi sinir sisteminə çox müsbət təsir edir, yaddaşı möhkəmləndirir, yuxusuzluqdan və depressiyalardan azad edir, stressi azaldır, nevrasteniya zamanı kömək edir.
– Jenşen təbii tonuslaşdırıcı vasitədir – insanı daha gümrah və fəal edir, əqli yorğunluğunu azaldır, iş qabiliyyətini yaxşılaşdırır.
– Qanda şəkərin səviyyəsini aşağı salır.
– Ürək-damar sistemi xəstəliklərinin inkişafının qarşısını almağa kömək edir, ürəyin əzələsini qoruyur, arterial təzyiqi tənzimləyir, qanda xolesterinin səviyyəsini aşağı salır, damarlarda trombların əmələ gəlməsinin qarşısını alır.
– Kişilərdə cinsi zəifliyi aradan qaldırmağa kömək edir, cinsi funksiyanı və spermoqrammanın nəticələrini yaxşılaşdırır. Məhz bu səbəbdən jenşen kişi sonsuzluğu, spermatogenezin (spermanın “istehsalı”) müxtəlif pozulmaları, impotensiya zamanı tez-tez istifadə olunur.
– Qadınlarda menstrual funksiyanın yaxşılaşmasına kömək edir.
– Cildə müsbət təsir göstərir, dəridə mübadilə prosesləri və qan dövranını yaxşılaşdırır, hüceyrələrin yenilənməsini sürətləndirir, dərini daha dartılmış və elastik edir.
