Yaşıl çay ekstraktının və fiziki məşğələlərin kombinasiyası qara ciyər piylənməsi kimi ağır xəstəliyin fəsadlarının 75%-ni aradan qaldırır.
Tədqiqatlar zamanı siçanlara 16 həftə ərzində yağlarla zəngin qida veriblər. Bundan əlavə siçanlar yaşıl çay ekstraktı ilə qidalanaraq mütəmadi olaraq xüsusi idman təkərində qaçıblar. Digər qrup isə yalnız yağlı qida alıb.
Tədqiqatın sonunda ikinci qrupla müqayisədə birinci qrupdakı siçanların qara ciyərində dörd dəfə daha az lipid ehtiyyatlarının olması müəyyən edilib.
Beləliklə, yaşıl çay içməklə məşq etməyin qara ciyər piylənməsinə qarşı səmərəli mübarizə metodu ola biləcəyi təsbit olunub. (Modern.az)
