ABŞ prezidenti Donald Tramp bildirib ki, Tehran Hörmüz boğazını 48 saat ərzində tam açmasa, Vaşinqton İranın enerji infrastrukturuna zərbə endirəcək.
Onun sözlərinə görə, hücumlar ölkənin ən böyük elektrik stansiyalarından başlayacaq.
O, sosial media hesabında yazıb: “Əgər İran Hörmüz boğazını bu andan etibarən 48 saat ərzində TAM, HƏDƏ ETMƏDƏN açmasa, Amerika Birləşmiş Ştatları ƏN BÖYÜKDƏN ƏVVƏL BAŞLAYARAQ, onların müxtəlif elektrik stansiyalarına zərbə endirəcək və onları məhv edəcək!”.
Buna cavab olaraq, Xatəm əl-Ənbiya Mərkəzi Qərargahının sözçüsü xəbərdarlıq edib ki, İranın infrastrukturuna hücum edilərsə, Tehran ABŞ-ın və onun regiondakı müttəfiqlərinin enerji obyektlərinə, İT sistemlərinə və duzsuzlaşdırma zavodlarına hücum edəcək.