ABŞ prezidenti administrasiyası dövlət başçısının fərmanı ilə doğum əsasında vətəndaşlıq verilməsi praktikasının dayandırılmasına dair məsələnin konstitusionluğunu nəzərdən keçirməsi üçün Ali Məhkəməyə müraciət edib. Bu barədə CNN telekanalı hələ məhkəmədə qeydiyyata alınmamış apellyasiya nüsxəsinə istinadən məlumat yayıb.
Baş prokuror Din Con Sauer apellyasiyada qeyd edib ki, aşağı instansiya məhkəmələrinin qərarları ABŞ prezidenti və onun administrasiyası üçün prioritet əhəmiyyət daşıyan siyasəti ləğv edib.
Onun fikrincə, həmin qərarlar ABŞ vətəndaşlığına hüququ olmayan yüz minlərlə insana vətəndaşlıq imtiyazı verir.