Ukrayna müdafiə naziri Denis Şmıqalın sözlərinə görə, “Ramşteyn” formatında keçirilən 30-cu görüş zamanı Ukrayna dünyadan dəstəyin davam edəcəyinə və daha da güclənəcəyinə dair mühüm siqnal aldı.
Aİ-dən
– 2 milyon sursatın təhvil verilməsi öhdəliyi var, bunun 80%-i artıq toplanıb.
– Ukraynanın hərbi ehtiyacları üçün ABŞ silahlarının alınmasına Avropa Sülh Fondundan 6,6 milyard avro ayrılması müzakirə olunub.
– SAFE (Security Action for Europe) mexanizmi vasitəsilə müdafiə sənayesinə investisiyalar razılaşdırılıb.
– Bundan əlavə, oktyabrda 4 milyard avro, noyabrda isə daha 4 milyard avro ayırmaq məsələsi gündəmdədir.
Almaniyadan
– Ukraynaya iki “Patriot” HHM sistemi veriləcək.
– PURL təşəbbüsünə (ABŞ-dən silahların alınması) 500 milyon avro ayrılacaq.
– Ukrayna üçün uzaqmənzilli dronların alınmasına 300 milyon avro maliyyə dəstəyi göstəriləcək.
Böyük Britaniyadan
– Növbəti 12 ay ərzində Britaniyada istehsal ediləcək bir neçə min uzaqmənzilli zərbə dronunun Ukraynaya çatdırılması üçün maliyyə ilə təmin ediləcək.
Norveçdən
– 2026-cı ildə Ukraynaya 8 milyard dollar ayrılacaq.
– Skandinaviya və Baltikyanı ölkələrlə birgə Ukrayna Silahlı Qüvvələri briqadalarının silahlandırılması həyata keçiriləcək.
– Ukrayna hərbçilərinin hazırlanması üçün birgə təlim mərkəzi fəaliyyətə başlayacaq.
Danimarkadan
– Ukrayna ilə birgə uzaqmənzilli silah istehsalı müəssisəsi fəaliyyətə başlayır.
Kanadadan
– PURL təşəbbüsünə 500 milyon dollar maliyyə ayrılacaq.
– Ukraynaya dronlar üçün 220 milyon dollar, hərbi proqramların inkişafına isə 165 milyon dollar ayrılacaq.
İsveçdən
– 20-ci hərbi yardım paketinin hazırlanması başa çatıb.
Litvadan
– PURL təşəbbüsünə 30 milyon avro ayrılacaq.
– Almaniya tərəfindən veriləcək “Patriot” sistemlərinin maliyyələşdirilməsi üçün əlavə 30 milyon avro ayrılacaq.
Çexiyadan
– 61 milyon avroluq yardım paketi hazırlanır.
– F-16 təyyarələrinin təlimatçı pilotları yetişdiriləcək.
Belçikadan
– PURL təşəbbüsünə 100 milyon avro ayrılacaq.
– Yeni hərbi yardım paketi hazırlanır.
Lüksemburqdan
– PURL təşəbbüsünə rəsmi qoşulma təsdiqlənib.
Niderlanddan
– İlin sonuna qədər Ukraynaya 1,2 milyard avro yardım ediləcək.
– Ukraynada F-16 təyyarələrinin təminatı üçün JUMPSTART(Amerika tərəfindən təşkil edilən bir mexanizmdir və Ukraynanın F-16 qırıcı təyyarələri üçün ehtiyat hissələri, silahlar və texniki dəstəyi təmin etmək məqsədi daşıyır) təşəbbüsünə 450 milyon avro ayrılacaq.
– “Deep Strike”(dərinliklərə zərbə) layihələrinə investisiyalar planlaşdırılır, digər tərəfdaşların da qoşulması mümkündür.
Polşadan
– Yeni hərbi yardım paketi hazırlanır.
– Yaxın həftə ərzində Ukraynaya 10 min 155 mm-lik mərmi göndəriləcək.
İspaniyadan
– Ukraynaya IRIS-T HHM sistemi üçün sursatlar tədarük olunacaq.
Latviyadan
– 2,5 milyon avro dəyərində dəstək paketi təqdim ediləcək.
– PURL təşəbbüsünə 5 milyon avro töhfə veriləcək.
– Ukrayna Silahlı Qüvvələrinin briqadası üçün Patria BTR-ləri göndəriləcək.
Fransadan
– Sursat və dron istehsalı sahəsində birgə sənaye layihələri sürətləndiriləcək.
– Ukraynaya “Mirage” təyyarələri veriləcək və aviasiya imkanları gücləndiriləcək.
“Ramşteyn”in nəticələri təsirli görünür. Avropa ölkələri və Kanada Ukraynaya yardımları gücləndirməyə davam edir.