ABŞ prezidenti Donald Tramp Birləşmiş Ştatların Qətərin hədiyyə edə biləcəyi lüks “Boeing 747-8” təyyarəsindən imtina etməyəcəyini bildirib.
Tacxeber.com xəbər verir ki, Tramp Qətərin mümkün hədiyyəsini “töhfə” adlandırıb və ABŞ-nin pulsuz təyyarədən imtina edə bilməyəcəyini deyib.
Onun sözlərinə görə, nisbətən gənc Qətər təyyarəsi köhnəlmiş “Air Force One”ı əvəz etmək üçün lazımdır.
“Mən bunu həqiqətən yüksək qiymətləndirirəm. Belə bir təklifdən heç vaxt imtina etməzdim. Yəni mən axmaq olub deyə bilərdim: “Xeyr, biz pulsuz, çox bahalı təyyarə istəmirik”. Amma bunun gözəl jest olduğunu düşündüm”, – Tramp deyib.