“Azərbaycanda və əksər ölkələrdə bir nəfəri uzaq yola salanda arxasında su atırlar. Bunun müxtəlif yozumları var. Ən çox yayılan versiyalardan biri belədir ki, səfərə və ya bir işə gedən adamın arxasınca su tökmək xeyir gətirir. Bu, səfərin və ya işin xoşbəxtcəsinə sonlanması üçün edilir”.
Tacxeber.comxəbər verir ki, bu sözləri tarix üzrə araşdırmaçı, dosent Zaur Əliyev deyib. Onun sözlərinə görə, qədimdən xalq arasında su ilə bağlı inanclar formalaşıb:
“Bu gün Novruz və digər xalq bayramlarında su ilə əlaqəli kifayət qədər adətlər var. Məsəl üçün bəzi adətlərdə bir insan səfərə gedəndə ardınca su atıb “yolun aydın olsun” deyirlər. Aydınlıq demək isə xeyir, bərəkət, xoş tale deməkdir.
Əksər rayonlarda gəlin köçən qızların, səfərə, ziyarətə gedənlərin arxasınca su atmaq, su ilə yola salmaq da xalqımızın qədim adət-ənənələrindəndir.
Qədimdən qalan bir inanca görə, çox vaxt evin ən yaşlı qadını suyu ataraq “su kimi get, su kimi gəl” sözləri deyir. İfadə “su kimi get (axar), su kimi qayıt (qaytar) kimi tərcümə olunur.