Çin, Cənubi Çin dənizində Filippin yaxınlığında yerləşən və Çin ilə Filippin arasında mübahisəli ərazi sayılan Sendi-Key rifini (sahəsi 200 m²) ələ keçirib.
Çin qoşunları rifa enərək Çin Xalq Respublikasının bayrağını qaldırıb və bu ərazi üzərində suverenlik elan ediblər.
Filippin ABŞ-ın müttəfiqidir və hazırda həmin bölgədə hərbi təlimlər aparır. Çin Xalq Respublikası faktiki olaraq ABŞ-ın regiondakı maraqlarına ciddi zərbə vurub və Vaşinqtonun reaksiyasını sınağa çəkir. Əgər Tramp buna göz yumar və cavab verməzsə, Çin başqa adaları da ələ keçirə bilər və nəticədə Tayvanın işğalına doğru bir addım daha atılmış olacaq.