Naxçıvanda sakinlər benzin və dizel əldə etməkdə çətinlik çəkdiklərini bildirirlər. Yanacaqdoldurma məntəqələrində uzun növbələrin yarandığı, Aİ-92 benzinin tapılmadığı, dizelin isə limitlə satıldığı deyilir.
Tacxeber.com AzadlıqRadiosuna istinadən xəbər verir ki, noyabrın 19-da yayımlanan reportajda yanacaqla bağlı çətinliklərin təxminən 20 gündür davam etdiyi bildirilir.
Vəziyyət yerli fermerlər arasında da narahatlıq yaradıb. Onlar dizel çatışmazlığının əkin işlərini təhlükə qarşısında qoyduğunu deyirlər.
SOCAR isə yanacaq təminatında problem olmadığını bildirir. Beləliklə, sakinlərin şikayətləri ilə şirkətin açıqladığı mövqe arasında fərq qalır.
