Problemin böyüyü yaşda deyil, bu zavallı məmləkətin ziyalı zümrəsinin də demokratiya, seçkilər, səsvermə kimi sivil anlayışlara hazır olmamasında, orta əsrlərin mürtəce zəkası ilə yaşamasındadır.
Bundan sonra kimdən nə gözləyəsən?
Utanılmalı, xəcalət çəkilməli, ölüb yerə girilməli vəziyyətdir.
Mən dünyada pulun, vəzifənin, şöhrətin hansısa bir ölkənin yaradıcı insanlarını bizim qədər rəzilliyə düçar etdiyini ağlıma gətirə bilmirəm.
Niyə belə oldu?
Bu qədər riyakarlığı necə mənimsədik?
Buna necə nail olduq?
Ömrü yaxşı-pis yaşayırıq, lakin gələcək bizi sizlərin sayəsində bol-bol tüpürcəklə qarşılayacaq.