Novorossiysk 8 sentyabr axşamı dronlarla hücuma məruz qalıb. Şəhər meri Andrey Kravçenkonun sözlərinə görə, hücum bütün gecə davam edib.
Onun sözlərinə görə, dron qalıqları müəssisələrin ərazisinə və yaşayış binasının yaxınlığına düşüb.
Krasnodar diyarının qubernatoru Veniamin Kondratyev hücum nəticəsində bir uşaq da daxil olmaqla dörd nəfərin öldüyünü bildirib. Daha 29 nəfər yaralanıb, onlardan üçünün vəziyyəti ağırdır.
Dağıntılar beş çoxmənzilli binaya, bir pravoslav kilsəsinə və bir uşaq bağçasına ziyan vurub.
Ukrayna monitorinq kanalları Novorossiysk limanına zərbə endirildiyini iddia edir. Yanacaqdoldurma məntəqəsində də yanğın baş verdiyi bildirilir.