İran rejimi bölgədəki vəkil güclərini ölkənin içərisinə toplayıb.
İraqdakı “Haşdi Şabi”, Pakistan şiələrindən ibarət “Zeynəbiyun” və Əfqanıstan şiələrindən ibarət “Fatimiyun” qruplaşmalarının militanları hazırda İrandadır.
SEPAH‐ın formalaşdırdığı “Zeynəbiyun” və “Fatimiyun” paramilitar qruplaşmaları”Hizbullah”la bərabər Suriya müharibəsində aktiv iştirak ediblər və Rusiya aviasiyasının havadan dəstəyi ilə uğurlu döyüşlər aparıblar. Lakin aviasiya dəstəyi kəsildikdən sonra onlar Əsəd rejimini qoruya bilmədilər və Suriyanı tərk etdilər.
Bu qruplaşmaların İrana çağırılması daxili asayişin təmin olunmasında rejim qüvvələrinə dəstək, xüsusən ehtimal olunan etiraz aksiyalarını yatırmaq niyyəti ilə bağlı ola bilər. Minlərlə insanın öldürüldüyü 8‐9 yanvar hadisələrində də həmin qruplardan bəzilərinin iştirak etdiyinə dair məlumatlar var.
