Artemis II missiyası hazırda problemsiz şəkildə Ay istiqamətində hərəkətini davam etdirir. Orion kosmik gəmisi artıq Yer orbitini tam tərk edib və Ay trayektoriyasında sabit uçuş mərhələsinə keçib.
Astronavtlar dərin kosmosa doğru irəlilədikcə Yer ilə məsafə sürətlə artır və missiya artıq son 50 ildə insanın çatdığı ən uzaq məsafələrə yaxınlaşır. Ekipaj bu mərhələdə həm sistemləri yoxlayır, həm də Yerin unikal görüntülərini çəkərək missiyanı sənədləşdirir.
Son saatlarda gəmidə hər hansı ciddi texniki problem qeydə alınmayıb. Daha əvvəl ortaya çıxan xırda nasazlıqlar artıq aradan qaldırılıb və bütün əsas sistemlər normal işləyir.
Uçuş plan üzrə davam edir və qarşıdakı əsas mərhələ Ayın yaxınlığından keçid olacaq.
