Hava hücumundan müdafiə qüvvələri Moskva istiqamətində uçan daha bir pilotsuz uçuş aparatını vurub.
Rusiya KİV-lərinin məlumatına görə, bu barədə Moskva meri Sergey Sobyanin məlumat verib.
“Moskvaya doğru uçan bir dron məhv edilib. Təcili yardım xidmətləri qəza yerində işləyir”, – deyə o yazıb.
Bu, günün əvvəlindən bəri Moskva ərazisində vurulan 62-ci pilotsuz təyyarədir.
Xatırladaq ki, Moskva ardıcıl üçüncü gündür ki, kütləvi dron hücumlarına məruz qalır.