Ermənistanın baş naziri Nikol Paşinyan bildirib ki, Erməni Soyqırımı Muzey-İnstitutu direktorunun istefasını tələb edən şəxs özü olub. Buna səbəb onun ABŞ vitse-prezidenti J.D. Vensə “Arsax” haqqında kitab hədiyyə etməsi olub.
“Ölkənin baş naziri Qarabağ hərəkatının mövcud olmadığını bəyan etdikdə, xarici qonağa Qarabağ məsələsi ilə bağlı kitab vermək nə deməkdir? […] Hökumətin xarici siyasətinə zidd olan hər hansı bir söz deyən hər hansı bir məmur işdən çıxarılmalıdır. Bu, dövlətdir, yoxsa həvəskar qrupdur?”, – deyə o bildirib.