Yaxın Şərqdəki partlamaqda olan vəziyyət və Kipr üzərindəki dronlar (İranın Britaniya hərbi bazasına hücumu-red.) ayrı-ayrı münaqişələr deyil, beynəlxalq hüququn pozulmasının birbaşa nəticəsidir.
Tacxeber.com xəbər verir ki, bunu İtaliyanın Baş naziri Giorgia Meloni “TG5”-ə verdiyi müsahibədə deyib. O qeyd edib ki, hər şey Ukraynada – BMT Təhlükəsizlik Şurasının daimi üzvü olan Rusiyanın qonşu dövlətin sərhədlərini pozması ilə başlayıb. Beləliklə, Kreml bütün dünyaya qaydaların artıq işləmədiyinə dair siqnal verib.
Meloni müharibənin artıq Avropaya gəldiyini və bu hadisələrin “uzaq” olduğunu düşünməyin təhlükəli bir illüziya olduğunu deyib. O qeyd edib ki, İran rejimi nüvə arsenalını artırarkən, Rusiya işğalı davam etdirərkən və Qərb müttəfiqləri nizamsız hərəkət edərkən qlobal təhlükəsizliyin təməlləri sarsılmaqda davam edib: “İtaliya və Avropa üçün aydındır ki, Ukraynada məhv edilmiş beynəlxalq hüququn aliliyi bərpa olunmadan xaos yalnız daha da artacaq”.(AzPolitika.info)