“Qarabağ” futbol klubunun UEFA Çempionlar Liqasının qrup mərhələsinə düşməsi ilə əlaqədar 2025-ci il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan kluba 5 milyon manat ayrılıb.
Müvafiq sərəncamı prezident İlham Əliyev imzalayıb.
Maliyyə Nazirliyi göstərilən məbləğdə maliyyələşməni təmin etməli, Nazirlər Kabineti isə bu sərəncamdan irəli gələn məsələləri həll etməlidir.