Yayılmış xəbərlərə görə, Peterburqda, yollarda, etnik kimliyi müəyyən edən kameralar quraşdırırlar. Müharibə nəticəsində Rusiya iqtisadiyyatı böhrana yaxınlaşdığı bir dönəmdə Ukrayna dronları Rusiyanın neft hasilatını hədəfə alır. Nəticədə, Rusiyanın neft emalı potensialının 17%-i sıradan çıxıb. Bu da qiymətlərin qalxmasına, resursların azalmasına səbəb olur.
Belə olan təqdirdə siyasi hakimiyyətə gündəm yaratmaq, insanların diqqətini əsas problemdən yayındırmaq üçün əlavə səbəblər lazımdır. Bu səbəblər də “MİQRANTLAR” ola bilər. Slovyan rusları təmin etmək məqsədilə, çox güman, qeyri slovyanlar ciddi şəkildə sıxışdırılacaq. Avtoritar rejimləri ayaqda saxlayan yeganə vasitələrdən biri ümumi düşmən obrazıdı. Bu obrazı yaratdınsa, qalanları çox asand olur.
Yaxın günlərdə “Miqrantlar iqtisadiyyatımıza zərbə vurur” başlıqlı xəbərlər qarşınıza çıxsa, bilin ki, prosesə artıq start verilib.