Müştərinin çənəsini sındıran “Yelo Bank”ın filial müdiridir

Tacxeber.com xəbər verir ki, bu barədə məlumatı dünən tanınmış vəkil Aqil Layıc özünün feysbuk səhifəsində paylaşıb.

 

Vəkil qeyd edib ki, filial müdiri Vüqar Xəlilov xidmətin gecikməsinə etiraz edən müştərini döyüb:

“Müdir əvvəlcə müştəriyə “bas bayıra” deyib. Sonra döyərək çənəsini sındırıb. Bu qədər qudurğan adamı hələ də filial müdiri kimi saxlayırsınız?”-  vəkil qeyd edib.

 

Hadisənin yeni təfərrüatları məlum olub. Aqil Layıcın statusuna şərh yazan şəxslərdən qeyd edib ki, davanın baş verməsinə səbəb çənəsi sınan şəxsin filial müdirini söyməsi olub.

Əldə etdiyimiz məlumata görə zərərçəkmiş şəxs Təbriz Quliyev olub. Təbriz Quliyev isə insident zamanı söyüş söymədiyini, Vüqar Xəlilovun müştərilərlə kobud danışdığını və mübahisənin də buna görə baş verdiyini deyib.

Tacxeber.com