İslam İnqilabı Keşikçiləri Korpusunun (SEPAH, İran Silahlı Qüvvələrinin elit bölmələri) dəniz qüvvələri Fars körfəzində qaçaqmalçılıq yolu ilə yanacaq daşıyan tankeri ələ keçirib.
Tacxeber.comxəbər verir ki, bu barədə “Tasnim” agentliyi məlumat yayıb.
Bildirilib ki, İran hərbçiləri məhkəmənin qərarı ilə 2 milyon litr qaçaqmal yanacaq olan gəmini ələ keçiriblər.
“İslam Respublikasının hüquq-mühafizə orqanları 14 ekipaj üzvünü saxlayıb”, – agentliyin məlumatında deyilir.
İslam İnqilabı Keşikçiləri Korpusunun Hərbi Dəniz Qüvvələrinin komandiri general Heydər Henaryan Meqradın sözlərinə görə, Okeaniya dövlətlərindən birinin bayrağı altında üzən gəmi yanacaq doldurulduğu andan kəşfiyyat nəzarəti altında olub və əməliyyat zonasına daxil olduqdan sonra ələ keçirilib.
