Qəzza zolağında 100 gündən çox əməliyyatlar zamanı İsrail hərbçiləri Fələstin radikal HƏMAS hərəkatının yaraqlılarının 30%-dən çoxunu məhv edib.
Tacxeber.com xəbər verir ki, bu barədə şənbə günü “The Wall Street Journal” Amerika kəşfiyyat agentliklərinin hesablamalarına istinadən məlumat yayıb.
Məlumata görə, İsrail HƏMAS yaraqlılarının 20%-dən 30%-ə qədərini məhv edib. Nəşrin qeyd etdiyi kimi, bu rəqəmlər hərəkatı məhv etmək üçün “İsrailin məqsədlərindən hələ də uzaqdır”. Fələstin-İsrail münaqişəsinin gərginləşməsindən əvvəl Amerika kəşfiyyat agentlikləri HƏMAS yaraqlılarının sayını 25-30 min arasında hesab edirdi.
Bundan əlavə, qəzetin qeyd etdiyi kimi, HƏMAS “hələ də İsrailə və Qəzzada İsrail əsgərlərinə hücumu bir neçə ay davam etdirmək üçün kifayət qədər sursata malikdir”. Fələstin hərəkatı həmçinin anklavın şimalındakı Qəzza şəhərində polis kimi varlığını bərpa etməyə çalışır.
