Azərbaycan yunan-Roma güləşçisi Həsrət Cəfərov Serbiyanın paytaxtı Belqradda keçirilən güləş üzrə dünya çempionatında finala yüksəlib.
Tacxeber.com xəbər verir ki, 67 kq çəki dərəcəsində çıxış edən idmançımız yarımfinalda erməni Slavik Qalstyanı məğlub edib.
Həsrət Cəfərov 5:3 hesabı ilə qalib gələrək adını finala yazdırıb. Bu uğur ona gələn il Parisdə keçiriləcək Yay Olimpiya Oyunlarına da vəsiqə qazandırıb.
Final qarşılaşması sabah keçiriləcək.
Qeyd edək ki, bu gün, həmçinin, 63 kq-da Murad Məmmədov da finala yüksəlib.
