Qərb Ukraynaya əlavə texnika verə bilər, amma səfərbərlik resursu, canlı qüvvə məhduddur.
Tacxeber.com xəbər verir ki, bunu Rusiya Prezidenti Vladimir Putin Təhlükəsizlik Şurasının üzvləri ilə görüşündə bildirib.
“Əlbəttə ki, əlavə hərbi avadanlıqlar verilə bilər, lakin səfərbərlik ehtiyatı qeyri-məhdud deyil. Deyəsən, Ukraynanın Qərb müttəfiqləri həqiqətən də, Rusiya ilə sonuncu ukraynalıyadək döyüşmək qərarına gəliblər”, – Putin deyib.
Putin onu da əlavə edib ki, Rusiya komandirləri nəzərə almalıdırlar ki, Ukrayna Silahlı Qüvvələrinin ehtiyatları hələ tükənməyib və bir sıra strateji ehtiyatlar hələ də işə salınmayıb.
İclasda Təhlükəsizlik Şurası və Müdafiə Nazirliyi Ukrayna ordusunun itkilərini açıqlayaraq bildiriblər ki, Ukrayna tərəfinin itkisi 13 min nəfəri ötüb.
