Ukrayna Prezidenti Volodimir Zelenskinin həyat yoldaşı Yelena gələn həftə ilk səfərini İsrailə edəcək.
Tacxeber.com xəbər verir ki, bu barədə “The Times of Israel” diplomatik mənbələrə istinadən məlumat yayıb.
Məlumata görə, dəvət İsrail Prezidenti İshaak Hersoqun həyat yoldaşı Mixal Hersoqdan gəlib.
İsrailin birinci xanımı Ukraynanın Birinci xanımını iyunun 19-da qəbul edəcək.
İki ölkə liderinin həyat yoldaşlarının yəhudi dövləti ərazisində reabilitasiyadan keçən Ukrayna Silahlı Qüvvələrinin döyüşçülərinə baş çəkəcəkləri gözlənilir. Bundan əlavə, mənbələr Zelenskayanın İsrail rəsmiləri ilə görüşəcəyini deyirlər, lakin onun dəqiq planları hələ açıqlanmayıb. Ukrayna tərəfi bu məlumatı şərh etmir.
