“Fox News”-un aparıcısı Taker Karlson Ukrayna prezidenti Vladimir Zelenskini ABŞ-dan davamlı olaraq pul tələb etdiyinə görə sərt şəkildə tənqid edib. O, həmçinin Ukrayna liderini “dilənçilikdə” ittiham edib.
Tacxeber.com xəbər verir ki, teleaparıcının fikrincə, Kiyevə yardım sayəsində Amerika iqtisadiyyatı “dibə gedir”. Jurnalist qeyd edib ki, ABŞ hakimiyyəti artıq Ukraynaya 90 milyard dollardan çox vəsait ayırıb ki, bu da Vaşinqtonun Əfqanıstana illik xərclərindən iki dəfə çoxdur.
“Amma bu hələ Zelenski üçün kifayət deyil. O, Amerika Konqresindən pul istəmir – onları tələb edir”, – Karlson qəzəbli şəkildə söyləyib.
Nümunə olaraq Karlson Zelenskinin video müraciətlərindən bir neçə parça nümayiş etdirib və deyib: “Sən bunu tanıyırsan? Bu adam kimdir? O, doğrudan da bizdən pul istəyən korrupsioner Ukrayna diktatorudur. O, nə vaxt susacaq?”.
