Biz Fars körfəzi-Qara dəniz dəhlizində Hindistanın oynaya biləcəyi rol haqda yekdil fikrə gəldik.
Tacxeber.az xəbər verir ki, bu sözləri İrəvanda səfərdə olan İranın XİN rəhbəri Hüseyn Əmir Abdullahian erməni həmkarı Armen Mirzoyanla mətbuat konfransında deyib.
O bildirib ki, bu yol ilə bağlı məqsədləri reallaşdırmaq və bu dəhlizin tikintisində daha da mühüm rol oynamaq üçün Ermənistan-İran-Hindistan üçtərəfli platformasının formalaşdırılmasının vacibliyini qeyd edib:
“Mənim Ermənistana səfərimin əsas məqsədlərindən biri Fars körfəzi-Qara dəniz dəhlizidir”.
Qeyd edək ki, ötən gün Ermənistana səfər edən Abdullahian bu gün Qərbi Zəngəzurda İran Baş Konsulluğunun açılması mərasimində iştirak edəcək.
