“Donetsk və Luqansk Xalq Respublikalarında, eləcə də Xerson və Zaporojye vilayətlərində keçirilən referendumlardan sonra vəziyyət hüquqi mənada və beynəlxalq hüquq baxımından dəyişəcək”.
Tacxeber.azxəbər verir ki, bunu Rusiya prezidentinin mətbuat katibi Dmitri Peskov jurnalistlərə açıqlamasında deyib.
“Vəziyyət hüquqi nöqteyi-nəzərdən bu ərazilərdə mühafizənin təmin edilməsinin bütün nəticələri ilə köklü şəkildə dəyişəcək”, – deyə o, jurnalistin müvafiq sualını cavablandırarkən deyib.
Peskov həmçinin əlavə edib ki, referendumdan sonra atəşlərin dayandırılması Ukrayna tərəfdən asılıdır.
