“Mançester Yunayted”in futbolçusu Kriştiano Ronaldo oğlu Junior Kriştiano haqqında danışıb.
Tacxeber.az Qol.az – a istinadən xəbər verir ki, o, oğlunu təvəzökar və zəhmətkeş bir insan kimi görmək istədiyini deyib. Həmçinin 37 yaşlı hücumçu qeyd edib ki, oğluna telefon istifadə etməyə icazə vermir:
“Əlbəttə, mən valideyn olaraq müsbət olan hər şeyi ona vermək istəyirəm. Amma eyni zamanda, istəyirəm ki, əməyin qədrini bilsin, çox çalışsın, təvazökar insan olsun. Oğlumu hər şeylə təmin edə bilərəm. Amma o, bilməlidir ki, çox xoşbəxt olmaq üçün qurbanlar verilməlidir. Davamlı olaraq məndən mobil telefon icazəsi istəyir. Mən də ona deyirəm ki, yox, hələ tezdir”.
Qeyd edək ki, Junior Kriştiano hazırda atasının da çıxış etdiyi “Mançester Yunayted”in akademiyasında təhsil alır.