Ukraynanın Birinci Kanalının teleaparıcısı Səbinə Pantus xərçəng xəstəliyini tonzillitlə səhv saldığını deyib.
Tacxeber.com baku.ws-ə istinadən xəbər verir ki, o, bu barədə NTV-də yayımlanan “Zvyozdy soshlis” verilişinin efirində danışıb.
İlk simptom boğaz ağrısı olub. Pantus bunun xroniki tonzillit olduğunu irəli sürüb. Televiziya aparıcısı özünü müalicə etməyə çalışıb, amma heç nə kömək etməyib. Sonra həkimə gedib və antibiotiklər qəbul edib. Yalnız bir ay dərman qəbul etdikdən və testlərdən keçdikdən sonra onun 3-cü mərhələdə skuamöz hüceyrəli karsinomaya sahib olduğu məlum olub.
“Xərçəng cavanlaşır. İstənilən narahatlığa məhəl qoymuruq, dözməyə öyrəşmişik. Ağırlaşana qədər həkimə getmirik”, – deyə teleaparıcı şikayətlənib.