Azərbaycan üzgüçüsü Məryəm Şeyxəlizadəxangahın Paris-2024 Yay Olimpiya Oyunlarındakı yekun mövqeyi bəlli olub.
Təmsilçimiz 50 m məsafəyə sərbəst üsulla üzmə yarışında təsnifat mərhələsində 35-ci yeri tutub.
6-cı qrupda finişə 26,76 saniyəyə çatan üzgüçümüz həmin “səkkizlik”də 3-cü yeri tutub. Ümumilikdə isə 79 idmançı arasında ən yaxşı nəticəyə malik 16 üzgüçü yarımfinala adlayıb. Onların arasına düşə bilməyən idmançımız Olimpiadada çıxışını başa vurub.