ABŞ Prezidenti Co Bayden dünənki çıxışı ilə Yaxın Şərqdə savaşın fitilini alovlandırdı. Məqsəd Böyük Ortadoğu Projesininin daha bir mərhələsini həyata keçirməkdir. Böyük Ortadoğu Projesi Nil çayından Fərata kimi “Böyük İsrail dövlətini” qurmaqdır.
Bu iddianı politoloq, tanınmış jurnalist Ruslan Bəşirli irəli sürüb.
Onun sözlərinə görə, bu mərhələdə Şərqi Aralıq dənizi sahillərində yerləşən Qəzzanı tamamilə fələstinlilərdən təmizləmək, daha sonra isə Suriya və İraqda PKK terror təşkilatı üçün “Böyük Kürdüstan” qurma planı mövcuddur:
“ABŞ 20 min TİR silah-sursatı elə-belə PKK-ya peşkəş etməyib. Qurulması planlaşdırılan terror dövlətini ilk olaraq ABŞ və İsrail tanıyacaq. Təbii ki, plan baş tutarsa. Planın qarşısında öz ərazi bütövlüyü, eyni zamanda könül coğrafiyasını qorumaq istəyən Türkiyə və öz mənafelərini saxlamağa çalışan Rusiya var. Yəni Qəzzada baş verənlər birbaşa qardaşımız Türkiyəni təsirləndirir”.
Politoloqun iddiasına görə, bu proses Türkiyə ilə İsrail qarşıdurmasına gətirib çıxara bilər:
“Bu qarşıdurma birbaşa və yaxud üçüncü qüvvələr vasitəsilə ola bilər”. (Axar)
